Клинсман после 10 години презема клуб од Бундеслигата?

Херта наскоро треба да именува нов тренер.

Старата дама од Берлин во моментов е на 15-та позиција во Бундеслигата, а четирите порази во низа би можеле скапо да го чинат Анте Човиќ, за што на големо се шпекулира во германските медиуми.

Во случај да добие отказ, Човиќ на клупата на Херта би можел да го замени поранешниот тренер на Баерн, Нико Коваќ, а во опција е името и на Клинсман.

Поранешниот тренер на германската фудбалска репрезентација моментно е во управниот одбор на Херта, но доколку потрагата по нов стратег не оди добро, челниците на клубот планираат да го постават Клинсман како решение барем до крајот на полусезоната или сезоната.

„Со тоа би се добило на време. Раководството на клубот мирно може да го најде најдоброто решение за клубот, а Клинсман после тоа може да се врати на старото место.“ – пишуваат германските медиуми.

Тој последен пат како тренер во Бундеслигата работеше во 2009. година кога го водеше Баерн, а од тогаш работеше само во САД како селектор.