Магија која не престанува: Дончиќ ги сруши Вориорси и постави нов рекорд! (ВИДЕО)

Лука Дончуќ одигра уште еден магичен натпревар во НБА лигата.

Словенецот руши рекорди, така беше и против вицешампиониот Голден Стејт.

Далас ги разби Вориорсите со 142:94, а она што го направи Лука Дончиќ е навистина неверојатно. За само 25 минути и 30 секунди во игра Дончиќ постигна трипл-дабл со учинок од 35 поени, 11 асистенции и 10 скокови и така испиша нова историја.

Дончиќ стана играчот со најмалку минути на паркетот кој успеал да постигне трипл-дабл со повеќе од 30 поени.

„Тој е посебен играч со посебна улога. Што можам да ви кажам? Ова повеќе не е вест, за него станува нормално“, изјави тренерот на Далас, Рик Карлси.