Ајакс му го продолжи договорот на својот „архитект“

Холандскиот легендарен голман, Едвин внад дер Сар ќе ја продолжи работата како извршен директор во Ајакс, соопштија денес од клубот.

49-годишниот Ван дер Сар потпиша нов договор, со кој ќе остане на „Јохан Кројф Арената“ до 2023 година.

Ван дер Сар е легенда на Ајакс, а после пензионирањето во 2011 година започна директорска кариера. Во 2012 година започна работа во Ајакс како маркетинг директор, а во 2016 година беше назначен за извршен директор на холандскиот гигант.

Оваа година тимот на Ајакс ја освои тројната крина во Холандија и беше на чекор од пласман во финале во Лигата на шампиони.