Надал победи „загубен“ меч: Ова се случува еднаш во илјада меча!

Рафаел Надал со неверојатен камбек во третиот решавачки сет го победи Данил Медведев и ја оствари првата победа на завршниот турнир во Лондон. 

Медведев го доби првиот неизвесен сет во тај-брејк, по што следуваше одговор на Шпанецот, а во третиот сет се случуваше вистинска драма.

Надал успеа да се врати од 1:5 негатива, спаси меч топка, и го однесе мечот во тај-брејк за на крајот да оствари голема победа.

„Жал ми е за Данил. Ова е тежок пораз за него. Ова се случува еднаш во илјада меча, се чувствувам супер среќно. Ова беше многу тежок меч во кој бев речиси загубен. Играв подобро од пред два дена, иако во третиот сет отворив многу лошо“, изјави Надал.

File under "Epic Rafael Nadal Comebacks" ?@RafaelNadal #NittoATPFinals pic.twitter.com/u6XaqV0ZGF

— Tennis TV (@TennisTV) November 13, 2019