Карвахал: Нема да лажам, сакам Барселона да испадне од Лигата на шампионите

Дани Карвахал за „Радио Марка“ зборуваше на неколку теми.

Играчот на Реал помеѓу останатото го коментираше и големиот ривал Барселона и порача дека не би сакал каталонскиот тим да напредува во Лигата на шампионите.

Каталонците минатата недела на „Камп Ноу“ одиграа само 0:0 против Славија Прага па сега се доведоа во ситуација со два порази да не поминат во нокаут фазата, а тоа воопшто не би му пречело на Карвахал.

„Нема да лажам. Ќе ми биде повеќе мило ако Барселона не помине. Тие се кандидат за Лигата на шампионите и наш голем ривал. Нема да се преправам. Повеќе сакам кога ќе изгубат во Ла Лига бидејќи се еден од нашите ривали и помалку или повеќе исто е и во Лигата на шампионите. Имаат спектакуларна екипа, за нас би било подобро да не поминат понатаму“, изјави Карвахал.