Поранешниот менаџер на Шумахер: Неговата сопруга се плаши дека ќе ја откријам вистината

Поранешниот менаџер на Михаел Шумахер, Вили Вебер ги изненади сите со тврдењето дека сопругата на легендарниот возач во Формула 1 ја крие вистината скоро шест години по несреќата.

Седумкратниот светски шампион претрпе тешка повреда на мозокот во 2013 година при падот за време на скијањето.

Вили Вебер изјави дека сопругата на Михаел, Коринаг го спречува да го види својот пријател бидејќи се плаши дека вистината ќе биде откриена.

„Знам дека Шумахер е во лоша состојба, но за жал не знам каков напредок постигнува. Корина ме спречи да го видам. Веројатно се плаши дека ќе ја откријам вистината. Апсолутно верувам дека Михаел ќе оздрави бидејќи знам каков борец е. Се молам за него и сигурен сум дека повторно ќе го видиме“, изјави Вебер.

Засега во јавноста се знае многу малку за состојбата на Шумахер, неодамна се појави вест дека е пренесен во Париз на тајно лекување.