Анчелоти има два меча да се спаси од отказ

Тренерот на Наполи, Карло Анчелоти е под се поголем притисок после серијата на лоши резултати од почетокот на сезоната.

И покрај фактот што до сега ја имаше поддршката од сопственикот Де Лаурентис, сепак медиумите пишуваат дека неговата позиција во клубот е сериозно разнишана.

После репрезентативната пауза Наполи го очекуваат натпревари со Милан и Ливерпул, па доколку не оствари добри резултати Анчелоти со сигурност ќе добие отказ.

Наполи е во серија од пет меча без победа, а Анчелоти и фудбалерите се во затегнати односи со раководството.

Доколку во наредните недели не се поправат односите и резултатите, раководството ќе биде приморано да направи тренерска смена, а прв кандидат за тренерското столче е Џенаро Гатузо.