Шкендија со два пенали го сруши Работнички

Со двата гола на Агим Ибраими од пенал, Шкендија го совлада Работнички со 2:1 во денешниот натпревар од првата македонска фудбалска лига.

Работнички поведе со голот на Шаркоски во шестата минута, а најзаслужен за пресвртот беше Агим Ибраими.

Прво во 19-та минута го израмни резултатот со удар од белата точка, а потоа во судикото продолжение судијата досуди уште еден пенал за „тетовци“ – сигурен реализатор повторно беше Ибраими.

Сега Шкендија се искачи на третата позиција на табелата, со девет бода помалку од првопласираниот Вардар.