Ливерпул – Ман.Сити: Енфилд стана неосвоива тврдина, но Сити има тешка артилерија

Ливерпул – Манчестер Сити е дербито на 12-то коло во англиската Премиер Лига. Ова е меч кој може да даде одговори на многу прашања поврзани со титулата оваа сезона. Ако домаќинот слави ќе создаде речиси недостижна предност, но ао загуби трката по титулата ќе стане крајно интересна.

Ливерпул создаде неосвоива тврдина од Енфилд

Моќта која Ливерпул ја покажува на Енфилд стана клише за некои, но Ливерпул блеска кога игра дома со магични моменти, со пресврти кои пркосат на логиката. Навивачите кои со децении го окупираа Енфилд, беа сведоци на доволно драматични моменти за да знаат дека и многу посилни противници од нив можат лесно да паднат, а факторот „Енфилд“ секогаш е присутен во историските моменти на клубот. Ако Ливерпул успее да го искористи тоа на овој меч, ќе биде многу блиску до титулата. Впрочем последен пат Ливерпул загубил во 2017 година, а во моментов има 16 победи по ред во сите конкуренции: Премиер Лига, Лига на Шампиони и во Куповите.

Под Водство на Клуп, пораз на Енфилд ќе биде вистински шок

Јирген Клоп ја разви домашната предност до тој степен што пораз за неговиот тим на домашен терен би бил шок. Ливерпул нема загубено натпревар на домашен терен во Премиер Лигата од април 2017 година и ги доби своите последни 12 натпревари на домашен терен во лигата. Во времето на Клоп, Манчестер Сити беа декласирани на „Енфилд“ во Лигата на шампионите, а го совладаа овој тим во трилер меч со седум гола во Премиер лигата. Во минатогодишното полуфинале на Лигата на Шампиони, Барселона пристигна со предност од 3:0 од првиот меч, но го напушти северозападниот дел на Англија шокирана.

Клоп знае како против Сити

Јирген Клоп, човек чија харизма ја користи на најдобар можен начин. Неговата сила е тоа што знае да формира силна врска со неговите фудбалери. Никогаш во неговите екипи не владеела негативна атмосфера и тоа се чини дека е невозможно. Во тимот владее голема хомогеност, пријателство и хармонија, а Клоп знае дека тоа е и те како потребно за да се има силен тим.

Изградена е предност од шест бода над Сити во трката за титулата, но Ливерпул изгуби и поголемо водство минатата сезона од тимот на Пеп Гвардиола. Минатиот викенд драматичната победа од 1:2 над Астон Вила беше одличен пример за ова што веќе го напоменав. Ливерпул губеше со 1:0, но постигна голови во 87-ма и 94-та минута за целосен пресврт.

За овој меч, Клоп има неколку големи одлуки пред најголемиот тест во сезоната на неговиот тим. Големите загатки се во средниот ред и во одбраната. Гомез и Дејан Ловрен се борат за едно место на централната дефанзивна позиција, додека Фабињо е скоро сигурен дека ќе започне во срцето на теренот. Неговите двајца партнери во средниот ред можат да бидат избрани пред почетокот на мечот. Изненадување може да биде Алекс Окслејд-Чемберлен кој на последните четири натпревари постигна четири гола. Нападот е јасен и тука нема дилема.

Пеп поставува неверојатни граници, недостижни за многумина

Неодамнешната драма која ја доживеа Баерн Минхен со поразот од 1:5 против Ајнтрахт Франкфурд, значеше и смена на Нико Ковач. Она што тој меч го поврзува со дербито во Англија е Пеп Гвардиола. Речиси сите германски медиуми беа едногласни: Колку високи граници постави Пеп Гвардиола кога беше во Баерн, што сега тимот тешко може да ги достигне.

Но Пеп тие граници ги постави и во Сити, па јасно е дека од нив се очекува само титули и ништо друго. Работата на Гвардиола во Манчестер Сити беше подеднакво зачудувачка како во Баерн Минхен. Да, тренерот од Каталонија имаше пари за трошење и не е срамежлив да признае дека му требаат елитни играчи за неговиот стил на фудбал да функционира, но тој обезбеди 198 поени во последните две сезони во Премиер лигата. Под притисок од Ливерпул, Сити на Гвардиола ги доби своите последни 14 натпревар од минатата сезона – без мака, без проблеми, без грешки. Во таа низа, Сити постигна 32 гола и прими само четири.

Може ли Сити да ја повтори минатата сезона!?

Сега се поставува прашањето дали Пеп и Сити можат да го повторат тоа од минатата сезона. Веројатно можат, но сега Ливерпул е свесен за тоа и нема прерано да се опушти. Навистина, Гвардиола изрази став дека не мора да се победи на „Енфилд“ за да се стигне бодовната разлика, укажувајќи дека самото избегнување на пораз ќе го задржи Сити во трката по трофејот.

А Пеп има одредени проблеми со составот кој можат да значат многу. Голманот Едерсон се повреди против Аталанта во Лигата на Шампионите и нема да игра на овој меч. Неговата замена Браво, не се прослави на тој меч и доби црвен картон, но тој ќе мора да биде многу повнимателен на Енфилд. Давид Силва е дефинитивно надвор од стројот, а тука се и подолго повредените Лапорте и Сане, а Родри се чини дека сеуште не е подготвен за настап.

Наш предлог:

Победа на Ливерпул @ 2.68 во 1хBet

Двете екипи да постигнат гол @ 1.54 во 1хBet