Валверде објасни зошто не функционира тандемот Меси – Гризман!

Тренерот на Барселона, Ернесто Валверде смета дека е нормално во оваа фаза да нема најдобра комуникација на теренот помеѓу Меси и Гризман.

Гризман ова лето пристигна на „Камп Ноу“ како најголемо засилување, но очигледно е дека не функционираат добро со првата ѕвезда во тимот, Лео Меси.

„Може многу да се зборува на таа тема, но според мене објаснувањето е просто. Гризман доаѓа од тим со друг стил на игра. Таму тој требаше да трча многу повеќе за да ослободува простор. Тој е одличен во тоа да успева да се ослободува за да може да ја добие топката“, објаснува Валверде.

„Кај нас е малку поразлично бидејќи ние повеќе внимаваме на пасовите и начинот на кој им бегаме на чуварите. Кога спринтираш и не ти подадат топка, должен си да се вратиш назад. Двајцата со Лео треба да се навикнат еден на друг, се уште е рано. Така беше и во првата сезона со Нејмар“, заклучи тренерот на Каталонците.