Видео: Во Мадрид се роди нова ѕвезда, „луд“ меч во Загреб

Вечерашните натпревари во Лигата на шампиони поминаа во знакот на високата победа над Реал Мадрид над Галатсарај (6:0) и хет-трикот на младиот Родриго.

На „Сантиаго Бернабеу“ вечерва се роди нова ѕвезда – 18 годишниот Родриго влезе во историјата на ЛШ со постигнатите три гола.

На самиот старт од 4-та до 7-та минута Родриго постигна два гола, потоа Рамос зголеми на 3:0 од пенал, па следуваа два гола на Бензема и точка на натпреварот стави Родриго, кој го комплетираше хет-трикот и стана најмладиот Бразилец кој постигнал гол во историјата на Лигата на шампионите.

Во истата група ПСЖ со минимални 1:0 со голот на Мауро Икарди го совлада Бриж.

На „Максимир“ Динамо и Шахтјор одиграа „луд“ натпревар, а домаќините имаат за што да жалат бидејќи во последните минути испуштија два гола предност. Динамо водеше со 3:1 до судиското продолжение, гол постигна и нашиот репрезентативец Адеми, а потоа следуваа два гола на Украинците во 93-та и 97-та минута.

Во истата група Аталанта и Манчестер Сити одиграа реми 1:1, поведоа гостите преку Стерлинг, израмни италијанскиот тим преку Пашалиќ.

Атлетико Мадрид загуби на гостувањето кај Леверкузен со 2:1, а Тотенхем до врв ја наполни мрежата на Црвена Звезда и победи со 4:0.