Потврдено: Реал понудил повеќе пари за Мбапе од ПСЖ

Долго време Килијан Мбапе низ медиумите се поврзува со Реал Мадрид, меѓутоа засега тој е играч на ПСЖ.

Реал го сакаше Мбапе уште кога за прв пат блесна во европските фудбал во дресот на Мбапе, меѓутоа младиот фудбалер од Монако се одлучи да направи трансфер во Париз.

Поранешниот прв човек на Монако, Вадим Васиљев сега потврди дека Реал сакал да го доведе Мбапе кога играл за Монако, дури и откри дека „кралевите“ понудиле повеќе пари од ПСЖ, но пресудила желбата на фудбалерот.

„Реал Мадрид во 2017 година понуди повеќе пари за Мбапе. Но, тогаш Мбапе ми кажа дека премногу му е рано за трансфер во Реал. Освен тоа тој е Парижанец и сакаше уште да игра во својата земја. Поради тоа му излеговме во пресрет и не му правевме проблеми, иако понудата на ПСЖ беше пониска“, откри Василјев.