Кабиб откри на кое место ќе биде следната борба

Шампионот во лесна категорија на УФЦ, Кабиб Нурмагомедов ја откри локацијата на својата наредна борба.

После фантастичната претстава и победа против Дастин Пориер во Абу Даби, Кабиб сега има само една желба – борба во Русија.

Дагестанецот во интервју за руските медиуми истакна дека борба во Русија е неговата најголема желба.

„Во преговори сум со УФЦ. Би сакал да се борам во Русија и 80% сум сигурен дека мојот следен меч ќе биде овде“, изјави Кабиб.

Наредниот противник најверојатно ќе биде Тони Фергусон, а Кабиб против него посакува борба на стадион.

„Во Санкт Петерсбург постои покриен стадион и за разлика од Москва таму би можеле да се бориме. Тој стадион собира 75.000 гледачи и се помалку од тоа не би имало смисла“, порача Кабиб.