Порто покажа „заби“, но само го налути Вардар

Европскиот и македонски шампион Вардар ја запиша втората победа во ЛШ оваа сезона, прва пред своите гледачи, откако го порази Порто со 32:27.

Порто се покажа како достоен ривал во првото полувреме, но во второто Вардар заигра онака како што знае и комплетно го надигра противникот.

Вардар анемично го отвори првиот дел, па Порто лесно дојде до водство, кое го одржуваше до крајот на првиот дел.

„Црвено-црните“ започнаа одлично во вториот дел па уште во првите десет минути направија предност од седум разлика 27:20. На крајот, Вардар стигна до бодовите со победа 32:27, за пефектен старт во ЛШ.

Криштопанс и Чупиќ беа најефикасни со по 7 гола, а ги следеа Дибиров и Шишкарев со по 5 голови.

Во наредното трето коло ракометарите на Давид Писонеро ќе му гостуваат на Мотор Запорожје.