Вчера потпиша за Реал, а навивачите веќе го бркаат од клубот!

Реал Мадрид изминатите денови потпиша со двајца одлични млади фудбалери. Меѓутоа, едниот од нив навивачите веднаш го дочекаа „на нож“.

Имено, бразилскиот фудбалер Винисиус Јуниор е на чекор од потпис во Реал Мадрид откако вчера успешно ги помина медицинските прегледи. Иако оваа сезона сеуште трае „кралевите“ сериозно тргаа во припреми за наредната сезона.

Винисиус Јуниор, или како што го наредикуваат медиумите „новиот Нејмар“, е 16-годишна ѕвезда и репрезентативец на Бразил на кого експертите му предвидуваат фантастична кариера. Моментално настапува за Фламенго, а веќе подолго време е на мета на европските гиганти.

Сепак, Бразилецот одлучи кариерата да ја продолжи во Реал Мадрид за трансфер вреден 45 милиони евра, а медиумите пренесоа дека вчера успешно ги поминал и лекарските прегледи во Рио де Женеиро.

Меѓутоа, поради едно интервју од минатото, навивачите на Реал сигурно ќе го пречекаат „на нож“ кога ќе пристигна на Бернабеу.

„Нејмар е мој идол. Му се восхитувам и постојано гледам видеа за да го копирам“, изјави Винисиус, а потоа одговори на вечното прашање – кој е подобар Меси или Роналдо.

„Меси дефинитивно“, одговори младиот Бразилец, а овие зборови можат скапо да го чинат во иднина.