Официјално: Стадионот во Струмица го промени името во „Благој Истатов“

Стадионот „Младост“ во Струмица ќе го носи името на македонската легенда, Благој Истатов.

Истатов е еден од најголемите во македонските фудбалска историја. Тој почина минатата година на 71 годишна возраст, а во кариерата бранаше за Беласица, , Победа, Партизан и Утрехт.

„Претседателот на ФК Беласица Славчо Васков – Пинда, донесе одлука, денес, на денот на одбележувањето на годишнината од смртта на „Горостасот меѓу стативите Благој Истатов“, стадионот „Младост“ да се преименува во „Благој Истатов“, во чест на фудбалската легенда на ФК Беласица и македонскиот фудбал, човекот синоним за фудбалот во Струмица“, стои во соопштението објавено на Фејсбук страната на клубот од Струмица.