Матиќ: Солскјер носи одлуки, тој е одговорен ако не победуваме!

Српскиот репрезентативец и член на Манчестер Јунајтед, Немања Матиќ без влакна на јазикот го нападна тренерот на „црвените ѓаволи“, Оле Гунер Солскјер.

Солскјер го исфрли Матиќ од првиот тим и на сите натпревари од почетокот на сезоната е резерва, а Србинот изјави дека ги почитува одлуките на тренерот.

Но исто така потенцираше дека одговорноста на лошите резултати е на адреса на тренерот.

„Тренерот е тој кој го одбира тимот со кој ќе се бори за титулата и ако не победи тој ја сноси одговорноста. Во фудбалот сум долго време, ги играв речиси сите натпревари за сите клубови каде што бев во изминатите 10 години. За јас да играм, некој морал да седи на клупата и да го прифати тој факт, па така и јас сега“, изјави Матиќ.

„Во првите два-три натпревари тој одбра тим без мене. Работам напорно колку што можам. Ја почитувам одлуката, на мене е да му покажам дека погрешил и дека треба да ме врати каде што припаѓам. Нема проблем. Му реков дека не се согласувам со него, но тој треба да го одбере тимот“, додаде Србинот.