Санчез: Во Интер сум за да освојуваме титули, имаме се што е потребно

Новиот фудбалер на Интер, Алексис Санчез најави дека може да ја пронајде својата најдобра форма во редовите на „нероаѕурите“.

Чилеанецот во претходните година помината во Манчестер Јунајтед имаше големи проблеми и постигна само три гола во Премиер лигата. Сега се врати во Серија А каде што играше за Удинезе.

Сега Санчез порача дека Интер  може да се бори за трофеи.

„Ја имам истата глад како и кога бев дете, сакам да се борам за сите трофеи. Среќен сум што се вратив во италијанскиот фудбал, но ќе видиме. Сакам да го правам она што е најдобро за мене. Дојдов во Интер за да освојуваме титули. Тимот е без титулата осум години, но оваа сезона има се што е потребно“, изјави Санчез во интервју за „Скај“.