Легендарниот шпански фудбалер, Фернандо Торес се одлучи за заминување во пензија.
Популарниот „Ел Нињо“ денес има 35 години и настапува за јапонскиот клуб Саган Тосу. За нешто повеќе од еден час тој ќе го започне последниот натпревар во кариерата.
До кога ќе дишеме отровен воздух!? | Уште еден поткаст
Неговата екипа во рамките од јапонската лига на домашен терен ќе игра против Висел Кобе и тоа ќе биде последниот натпревар за Торес. Интересно е што во тимот на Висел Кобе игра Андрес Иниеста, неговиот долгогодишен соиграч од репрезентацијата, па простувањето ќе му биде уште поинтересно.
Торес неговиот последен натпревар го најави на Твитер.
One last battle… pic.twitter.com/64428xPdC9
— Fernando Torres (@Torres) August 23, 2019
За неговата кариера не треба посебно да се трошат зборови. Најславните денови ги помина во Атлетико Мадрид и Ливерпул, а после заминувањето од редовите на „црвените“ доживеа голем пад на формата.
Сепак, подоцна се врати во Атлетико Мадрид со кој играше финале во Лигата на шампионите во 2016 година.
За репрезентацијата на Шпанија одигра 110 натпревари и постигна 38 голови. Со „Црвената Фурија“ се искачи на врвот на европскиот и светскиот трон.
Учество во игри на среќа е дозволено за лица со 18+ години. Играј одговорно!