Тотенхем денес работеше со „полна пареа“: После Сесењон потврди уште еден голем трансфер

Toтенхем во последниот ден од преодниот рок претстави два нови играчи.

Спарсите го претставија крилниот напаѓач Рајан Сесењон кој за 25 милиони фунти беше доведен од Фулам, а потоа и Џовани Ло Селсо.

Ло Селсо пристигна позајмица од Бетис со тоа што лондонскиот клуб има опција да го откупи неговиот договор на крајот од сезоната.

Играчот ќе го носи дресот со број 18, а станува збор за играч кој кариерата ја почна во матичниот Росарио за потоа во 2016 година да потпише за ПСЖ.

Освои неколку трофеи во Франција и потоа премина во Бетис на позајмица, а сега добива нова прилика да се покаже на најголемата сцена.

Во Бетис постигна 16 голови на 45 натпревари.