Анчелоти: Секогаш сум имал одлични напаѓачи во екипата, од Инзаги до Ибрахимовиќ

Навивачите на Наполи се уште чекаат нивниот клуб да донесе некое звучно засилување.

Со Наполи овие денови најмногу се поврзува Хамес Родригез за кој клубот веќе испрати понуда, но Реал Мадрид ја одби бидејќи сака повеќе пари.

Покрај Родригез со Наполитанците се поврзува и Мауро Икарди кој е отпишан во Интер. За можните засилувања зборуваше и Анчелоти кој призна дека се надева дека Наполи ќе успее да го донесе напаѓачот на Интер.

„Што се однесува до екипата треба да најдеме некој баланс и јасно е дека се уште не сме спремни за натпреварувачки натпревари. Се надевам и на засилувања, а знаете веќе за кој се зборува.“ – изјави Анчелоти.

„Секогаш сум имал одлични напаѓачи во својот тим, од Инзаги до Ибрахимовиќ. Икарди е одличен напаѓач, но исто така и Милик. Да зборуваме сега за Мауро не е фер поради Милик.“

Да потсетиме, Наполи го комплетираше трансферот на нашиот репрезентативец Елиф Елмас од Фенербахче за 16 милиони евра.