Шпански новинар и пријател на Модриќ: Трансферот во Милан е можен!

Mилан сака да доведе засилувања со цел да се бори за Лигата на шампионите, а една од главните мети е Лука Модриќ од Реал Мадрид.

Пред две недели се пишуваше дека Звонимир Бобан се обидува да го убеди Модриќ да дојде во Милан, но играчот на Реал наводно го известил дека нема намера да замине од Мадрид.

Меѓутоа, денес „Скај Спорт“ објави дка агентот на Модриќ, Владо Лемиќ вчера ги посетил просториите на Милан каде што разговарал со Звонимир Бобан и Паоло Малдини за потенцијалниот трансфер.

MILAN WANT MODRIC | AC Milan are interested in signing Luka Modric and have already met with the Croatian's agent about a potential move this summer, according to @gianlucadimarzio ?⚫️ #Modric #ACMilan https://t.co/asNY7LDgfM pic.twitter.com/54hEUFJVKA

— Football Transfers⚽️ (@Transfers) July 17, 2019

Договорот на Модриќ истекува за една година, а Италијанците сметаат дека тоа е идеална прилика за преговори со клубот од „Бернабеу“.

Интер минатата година многу се поврзуваше со Модриќ, но Перез не попушти, а ова лето Хрватот би можел да го засили нивниот градски ривал.

Дека трансферот е можен потврди новинарот Висенте Азпиртате кој е и пријател со Модриќ.

„Ќе биде интересно лето. Не е лесна задача, но после заминувањето на Себаљос Реал би можел да доведе еден играч во средината – Погба, Ериксен или Ван Де Бек. Милан не поминува низ некој добар економски период. Меѓутоа трансферот е можен со позајмица и опција за купување следното лето“, напиша Азпиртате.