Де Лаурентис потврди: Познато кога Елмас потпишува за Наполи!

Се појасно станува дека трансферот на Елиф Елмас во Наполи е само прашање на време.

Елмас веќе подолго време се поврзува со калчолигашот и очекувањата се за 18 милиони евра да се пресели во Неапол. Таа сума ќе го направи Елмас најскап македонски фудбалер, а воедно и тоа ќе биде и рекордна продажба на Фенербахче.

Дека трансферот е завршена работа за наполитанското радио потврди првиот човек на Наполи, Аурелио Де Лаурентис.

„Да, точно е. Елмас до крајот на оваа недела доаѓа во Наполи“, гласел одговорот на Де Лаурентис за трансферот на Елмас.

Според досегашните информации кои ги пласираа во јавноста италијанските медиуми за трансферот на Елмас да биде официјално потврден се чека само Марко Рог да го комплетира трансферот во Ајнтрахт Франкфурт.

Aurelio De Laurentiis confirmed Eljif Elmas will join #Napoli this week, he wants a striker and warned fans to “prepare for an incandescent August.” https://t.co/mGuEsShZUL #Fenerbahce #FCIM #LOSC pic.twitter.com/mtHo2mczaG

— footballitalia (@footballitalia) July 16, 2019