Конте уште еднаш ги понижи Икарди и Наинголан

Од Интер неодамна потврдија дека Раџа Наинголан и Мауро Икарди можат да го напуштат клубот бидејќи Антонио Конте не смета на нив.

За Икарди беше познато дека ќе го напушти клубот после сите скандали кои ги направи во минатата сезона, но одлуката и Наинголан да биде на трансфер листата ја изненади јавноста.

Навивачите на Интер јасно порачаа дека сакаат Наинголан да остане и тоа го покажаа на вчерашниот тренинг. Но, изгледа дека клубот донел конечна одлука околу нив двајца.

Од Интер порачаа дека најважно ќе биде да се врати добрата атмосфера во тимот и според нив тоа не е возможно додека во тимот се Икарди и Наинголан. Клубот прави се за да покаже дека овие двајца едноставно повеќе не се дел од тимот.

Антонио Конте дури ангажирал еден тренер кој посебно ќе работи само со Икарди и Наинголан, одвоено од останатите. На тој начин Конте сака во целост да ги отстрани, но не може да им забрани да тренираат бидејќи тоа е против законот.

Наинголан и Икарди се под договор со Интер и мораат да тренираат, а Конте пронајде начин овие двајца да бидат отстранети. Со нив ќе работи тренерот Даниеле Берназани кој е дел од младинските категории на клубот.