Што се случува? Зидан го напушти кампот на Реал Мадрид

Изненадувачки, Зинедин Зидан ги напуштил припремите на Реал, објави кралскиот клуб.

Французинот изминатите денови со Реал работеше на припреми во Канада, но поради лични причини ја напуштил клубската база и итно се вратил во Мадрид.

Веста за заминувањето на Зидан ги изненади и самите играчи со кои не се ни поздравил, а информацијата ја пренеле неговите помошници тренери.

Сето тоа го потврди и Реал Мадрид преку официјалната страна, но во соопштението не е наведена причината за враќањето на Зидан во Мадрид, па и натаму се е во доменот на шпекулациите.

Веројатно со тоа ќе се пролонгира и состанокот кој Зидан во неделата требаше да го има со клубското раководство на кое би се разговарало околу плановите за следната сезона.