Бразилска полиција го уапсила Марсело, откако фудбалерот одбил алкотест

Ѕвездата на Реал Мадрид, Марсело ги брои последните денови од својот одмор пред почетокот на припремите за новата сезона.

Искусниот лев бек одморот го поминува во Бразил, а денеска се најде во центарот на нов скандал.

Откако го запрела полицијата Марсело одбил да направи алкотест па полицијците му ја одземале возачката  една година. Бразилецот е казнет и парично со што ќе мора да плати 600 евра.

Ова не е прв пат Марсело да има проблеми со законот и кршење на сообраќајните правила. Пред шест години беше казнет со 6000 евра поради прекршок во Мадрид.

Тогаш му беше забрането возење во период од осум месеци, а паричната казна изнесуваше 25 евра на ден поради несигурно возење.