Јувентус тргнува по играч на Атлетико Мадрид

Италијанските медиуми пренесуваат дека Јувентус се вклучил во трката за потписот на играчот на Атлетико Мадрид, Николас Гаитан.

29-годишниот Аргентинец не е задоволен од статусот кој го има на „Винденте Калдерон“ и сака да ја промени средината само една година откако стигна од Бенфика за 25 милиони евра.

Јувентус е убеден дека Нико Гаитан би можел да биде идеално засилување за нивниот тим без оглед на фактот што има слаба сезона во Атлетико. „Бјанконерите“ веруваат во квалитетите на Аргентинецот и сметаат дека може да биде идеална замена за повредениот Марко Пјаца.

Притоа, неговата цена сега драстично падна, па „старата дама“ верува дека може да го донесе во Торини за само 15 милиони евра.