Робен се понуди на клуб од Серија А

Холандскиот крилен фудбалер Арјен Робен би можел од следната сезона да биде член на италијански клуб.

Робен на крајот од овој месец станува слободен играч откако му истекува договорот со Баерн и познато е дека Холанѓанецот ќе го напушти Минхен, но се уште не е познат новиот тим.

Поранешниот играч на ПСВ, Челси и Реал Мадрид наводно сака да игра во Серија А, и според некои медиуми тој му се понудил на Лацио.

Калчомеркато пишува дека претставници на Робен го контактирале Лацио и порачале дека играчот е спремен да дојде во Рим.

Робен оваа сезона запиша 19 настапи и постигна шест погодоци. Со Баерн ја освои двојната круна за крај на богатата кариера во Минхен.