Дидие Дрогба реши на 39-годишна возраст кариерата да ја продолжи во американскиот третолигаш Феникс Рајсинг. Воедно, голгетерот стана и еден од косопсвениците на клубот.
Поранешен репрезентативец на Брегот на Слонова Коска, во ноември минатата година го напушти Монтреал Импакт и оттогаш е без ангажман, иако имаше понуда од Коринтијанс кариерата да ја продолжи во Бразил.
Барса на тежок испит, дерби и во Англија! ↓↓↓
„Ми беше потребно време да решам за наредниот чекор. Верувам дека можам со овој клуб да остварам успех, како на теренот, така и во самата организација“, изјави Дрогба на промоцијата.
Дрогба е легенда на Челзи, во два мандати во овој клуб мина вкупно девет години и со 162 гола даде голем придонес во освојувањето на четири шампионски титули во Премиер лигата, ФА купот и Лига купот, а беше клучниот човек и во освојување на Лигата на шампионите.
Учество во игри на среќа е дозволено за лица со 18+ години. Играј одговорно!