Касиљас демантира: Не сум во пензија, вчера бев на преглед се е во најдобар ред

Денес во Португалските медиуми се појави вест дека Икер Касиљас сигурно ќе ја заврши блескавата кариера, меѓутоа на радост на сите фудбалски фанови таа информации не била точна.

Самиот Касиљас денес се огласи на социјалните мрежи и порача дека се уште не е пензиониран и најави дека постојат шанси и во иднина да го гледаме на зелениот терен.

Најавите беа дека Касиљас ќе стане клупски амбасадор на Порто, но засега Икер се уште е голман и се надева на продолжување на кариерата. Касиљас соопшти дека засега се оди во најдобар ред.

„Добро утро на сите. Не, не одам во пензија. Ќе знаете кога тој ден ќе дојде, но сега се уште не е дојден. До тогаш само полека. Вчера имав преглед кај мојот доктор Фелипе Маседо и се помина во најдобар ред. Тоа се одлични вести и сакав да ги споделам со вас“, напиша големиот Икер.

Buenas a tod@s:
Retirarme, habrá un día que me tenga que retirar. Déjenme anunciar dicha noticia cuando llegue ese momento. Por ahora tranquilidad. Ayer tuve revisión con el Dr.Filipe Macedo. Todo muy bien. Eso sí que es una gran noticia que quería compartir con todos! ???

— Iker Casillas (@IkerCasillas) May 17, 2019

Ќе потсетиме, Икер Касиљас на 1-ви мај заработи срцев удар на тренингот на Порто, а после неколку дена поминати во болница шпанската легенда беше пуштен на домашно лекување.

Претходниот познатиот шпански кардиолог и поранешен кошаркар Чорбалан тврдеше дека Икер нема шанси да продолжи со професионалното играње фудбал, но ваквите најави на Икер даваат надеж на фудбалскиот свет дека тој ќе продолжи да брани.