Солкјер ја пронајде замената за Лукаку

Без разлика на исходот на сезоната, сигурно е дека на лето ќе има големи промени на тимот во Манчестер Јунајтед.

Англиските медиуми пренесуваат дека Солскјер дал зелено светло за продажба на Ромелу Лукаку и Манчестер Јунајтед е спремен да ги слушне понудите за белгискиот репрезентативец.

Лукаку падна во сенка на Маркус Рашфорд, Солскјер едноставно преферира друг тим на напаѓачи и планира со неговата продажба да го зголеми буџетот за доведување на крилен напаѓач.

Англиските медиуми пренесуваат дека замената за Лукаку, Солскјер ја нашол во Франција, а станува збор за младиот напаѓач на Лион, Муса Дембеле.

Поранешниот член на Фулам и Селтик, има одлична прва сезона во дресот на Лион во која постигна вкупно 21 погодок и зашиша шест асистенции.

Тој не е класичен шпиц туку токму она што Солскјер го бара, подвижен напаѓач кој може да игра на повеќе позиции, а за неговиот потпис „црвените ѓаволи“ се спремни да понудат 40 милиони фунти.