Фабрегас на чекор од трансфер во Истанбул!

Турскиот шампион, тимот на Бешикташ е на чекор до реализирање на трансферот на Цеск Фабрегас, пренесуваат англиските медиуми.

Имено, челните луѓе на Бешикташ се одлучни во намерата во своите редови да ја донесат ѕвездата на Челзи, Цеск Фабрегас и веќе отпатувале во Лондон на преговори.

Претседателот на турскиот клуб, Фикрет Орман се наоѓа во Лондон каде ќе има средба со претставници на „сините“ и веќе е направен првиот чекор во реализација на овој трансфер кој би требало да биде финализиран на лето.

Покрај Бешикташ, за Фабрегас силен интерес покажува и Галатасарај, но турските медиуми тврдат дека Шпанецот е многу блиску до трансфер во Бешикташ.

Најголема причина за заминувањето на Фабрегас од Челзи е малата минутажа која ја добива оваа сезона, бидејќи тренерот Конте во средниот ред игра со тандемот Матиќ – Канте, а Шпанецот главно ја грее клупата.