Зошто поради Алексис, Манчестер Јунајтед може да остане без Погба и Де Геа?

Трансферот на Алексис Санчез од Арсенал во јануари 2018. година е еден од најлошите потези кое ги направи раководството на Манчестер Јунајтед.

Чилеанецот за година ипол на Олд Трафорд не направи апсолутно ништо, а поради него Црвените ѓаволи лесно можат да останат без Де Геа и Пол Погба.

Добро е познато дека Алексис е најплатениот играч на Јунајтед. Чилеанецот заработува пола милион фунти неделно, а истата плата од клубот ја бараат и Де Геа и Погба.

Сите преговори со шпанскиот голман пропаднаа. Клубот не е спремен да му ја исполни таа желба и лесно може да се случи на лето Де Геа да биде продаден или следната година да замине од клубот како слободен играч.

Скоро иста е ситуацијата и со Погба. Французинот нема намера да му го гледа грбот по заработка на Алексис и со понудите кои ги има од Реал и Јувентус сериозно размислува за заминување.

Па така, на крајот, Алексис би можел многу поскапо да го чини Јунајтед од моменталните пола милион неделно.

Евентуалното заминување на Де Геа и Погба со сигурност ќе има големо влијание за ростерот на Јунајтед и без вистински замени ќе имаат доста проблеми во наредните сезони.

Ќе биде интересно да се види што ќе се случува на Олд Трафорд ова лето. Заминувања сигурно ќе има, а дали меѓу патниците ќе бидат Погба и Де Геа останува да видиме за неколку месеци.