Реал Мадрид синоќа беше поразен од Валенсија на Местаља и така Зизу го доживеа првиот пораз од враќањето на клупата на Кралевите.
Големи критики за играта во овој натпревар доби Бразилецот Марсело, но Зидан застана во одбрана на својот омилен фудбалер.
Финале ЛШ: Реал Мадрид 15-та, или Дортмунд втора!? ↓↓↓
„Марсело е Марсело.“ – рече Зидан и продолжи:
„Ми се допаѓа начинот на кој игра и е во добра форма. Тренира добро, но оваа сезона е комплицирана за се, не само за него.“
Кралевите беа поразени со 2:1, а дури во продолжението успеаја да постигнат погодок. Време за нешто повеќе немаше.
„Мислам дека добро игравме, но не можевме да постигнеме погодок. Во првиот дел ништо не направивме, се обидувавме, но не ни одеше од рака. Не ги обвиниувам играчите. Ова е пораз кој мора да го прифатиме.“ – додаде Зизу.
Реал и покрај овој пораз останува на третата позиција на табелата и многу веројатно е дека на таа позиција ќе ја заврши сезоната.
Учество во игри на среќа е дозволено за лица со 18+ години. Играј одговорно!