Кабиб не престанува: Конор е како некоја љубоморна жена

Конор Мекгрегор минатата недела објави дека заминува во пензија и многумина веќе си го кажаа мислењето на оваа одлука на Ирецот.

Неговиот последен противник во октагон се огласи веднаш после објавувањето дека Конор оди во пензија и преку Твитер порача дека во „џунглата“ може да има само еден крал.

„Во џунглата може да има само еден крал. Само еден“, порача Кабиб тогаш преку неговиот Твитер профил.

Сега Дагестанецот даде и своја изјава на оваа тема.

„Утре ќе каже дека се враќа и сите медиуми сите ќе пишуваат за тоа. Тоа е она што тој го сака. Не успеа да постигне договор со УФЦ и сега ќе игра на своја карта. Конор се однесува како љубоморна жена која цело време зборува дека заминува, но потоа се враќа“, изјави Нурмагомедов.

"Conor acts like a jealous wife, who says 'I will leave' all the time but then comes back": Khabib on Mcgregor's announced retirement@TheNotoriousMMA @TeamKhabib pic.twitter.com/1CXRtltzPT

— Denis Geyko (@DenisGeykoRT) April 2, 2019

Денес се појави и изјава од претседателот на УФЦ, Дан Вајт кој исто така не верува дека Конор го завршил своето во УФЦ.

„Не, тој всушност не е во пензија. Тука едноставно постојат некои работи кои Конор ги сака и мислам дека сака да се најде и да разговара лице во лице со мене. Ќе го одработиме тој разговор во идните недели и верувам дека ќе најдеме некое решение. Гледајте, се сомневам дека сме пружиле на друг борец респект, каков што му пруживме на него. Освен тоа заработи многу пари“, изјави Вајт.