Гери Мекалистер нападнат на улиците во Лидс

Легендарниот шкотски фудбалер Гери Мекалистер синоќа бил нападнат на улиците на Лидс, по што завршил во болница.

Мекалистер најголемиот дел од кариерата ја помина во Лидс, а после тоа потпиша за Ливерпул, каде се задржа две сезони и одигра неколку одлични натпревари.

Поранешниот шкотски фудбалер синоќа заврши во болница откако непознато лице го нападнало на улиците во Лидс. Мекалистер чекал такси, а непознато машко лице му се доближил и почнал да го удира.

„Неверојатно е тоа што се случи. Само стоеше на улица и чекаше такси, а тој откако го позна почна да му дофрлува. Потоа му дојде од зад грб и почна да го удира. Мекалистер се бранеше, а напаѓачот побегна откако луѓето дојдоа да му помогнат на Гери.“ – рече еден од сведоците.

Мекалистер заврши во болница со сериозни повреди на главата. Полицијата трага по напаѓачот, но се уште не го пронашле.