Тадиќ после магичната вечер: Можеби сум гледал премногу клипови од Зидан

Српскиот фудбалер Душан Тадиќ изминатата вечер го одигра натпреварот на кариерата.

Овој 30 годишен напаѓач го разби актуелниот шампион на Европа, големиот Реал Мадрид и со своите потези на теренот ја воодушеви фудбалската јавност.

Тадиќ на крајот успеа да запише две асистенции и да постигне гол во победата од 1:4 (тука), а после чудесниот натпревар српскиот фудбалер даде свој коментар за натпреварот.

„Ова веројатно е најдобриот натпревар кој сум го одиграл во мојата кариера“, започна Тадиќ и продолжи:

„Го победивме најдобриот клуб во светот. Горд сум и сигурен сум дека направивме среќни многу луѓе“.

Посебно Тадиќ воодушеви со фантастичниот дриблинг кога му асистираше на Нереш за 0:2. Секако, беше пресреќен што сите зборуваат за неговите потези.

? OUTRAGEOUS spin and assist from @AFCAjax star Dušan Tadić ???#UCL Skill of the Day | @MastercardUK pic.twitter.com/hT7FPUpDfF

— UEFA Champions League (@ChampionsLeague) March 5, 2019

„Во фудбалот најважно е да се опуштите и да уживате. Кога во прашање се потезите, Зинедин Зидан секогаш бил мојот омилен фудбалер. Можеби сум гледал премногу негови клипови“, додаде Тадиќ.

Aјакс сега го чека противникот во четвртфиналето, а после разбивањето на Реал Мадрид сосема сигурно дека тимот доби на самодоверба.

Ќе потсетиме вечерва се играат два нови четвртфинални натпревари. Порто ја пречекува Рома (1:2) на свој терен во Португалија, додека дербито се игра во Париз каде гостува Манчестер Јунајтед откако во првиот натпревар „црвените ѓаволи“ изгубија со 0:2 на „Олд Трафорд“.