Погба: Ова го зборувавме со Солскјер од неговиот прв ден во клубот

Пол Погба одново беше еден од најважните играчи на Манчестер Јунајтед во новата победа, овој пат против Фулам од 0:3.

Манчестер Јунајтед пред два месеци заостануваше цели 11 бодови, но Солскјер со една фантастична серија ги врати надежите на Јунајтед за Лигата на шампионите.

Во денешниот натпревар Погба беше стрелец на два погодоци и секако после средбата покажа задоволство.

„Се чуствувам навистина фантастично. Ова го сакавме уште од првиот ден. Зборувавме дека сакаме да бидеме во топ 4 на крајот од сезоната. Пред нас има долг пат, но сега сме во игра за ја оствариме целта. Бевме далеку, но благодарение на одличните настапи успеавме да ги стигнеме ривалите. Се уште е рано, но важно е што сме на добар пат“, изјави Погба.