Официјално: Денис Суарез пристигна во Арсенал

Арсенал и официјално денес го комплетираше трансферот на играчот за врска на Барселона, Денис Суарез.

Шпанскиот плејмејкер пристигна на „Емирати“ на позајмица до крајот на сезоната, а „топџиите“ ќе имаат опција да го откупат неговиот договор на лето.

Пред договорот да биде финализиран, Суарез го продолжи договорот со Барселона за 12 месеци, до 30 јуни 2021 година, а Арсенал доколку сака да го задржи играчот ќе треба да плати 20 милиони фунти.

Интересно, доколку трансферот стане перманентен 4 милиони фунти ќе завршат во касата на Манчестер Сити. Причината за ова е клаузула во договорот помеѓу Сити и Барселона во 2013 година. Според неа „граѓаните“ треба да добијат 20% од износот при меѓународен трансфер на Суарез.