Ништо од јапонска услуга за нас: Јапонците се држеа, но Исланд на крајот се радуваше

Иако не беше реално сепак се надевавме, но Јапонците не ни завршија половина од работата за влез во топ 12.

Имаше неизвесност, но Исланд сепак на крајот победи со четири разлика 25:21. Јапонците на губеа со 20:17 во 50-тата минута, но потоа направија серија од 4:1 и имаа обид да ја загрозат победата на Исланѓаните. Сепак, Палмарсон и Сигурмансон до крајот обезбедија победа.

Изедначен натпревар гледавме уште во првиот дел кој на крајот се заврши и со нерешен резултат 12:12.

Најефикасни беа Сигурмансон и Гунарсон со по пет погодоци, додека кај Јапонија Агире четири пати ја погодуваше мрежата.

Со оваа победа Исланд се изедначи со бодови со нас на табелата со по четири бода. Сепак, тие имаат подобра гол-разлика и во утрешниот меѓусебен дуел ќе им одговара и реми.

Секако, ова нема да важи ако ние вечерва направи чудо против европскиот шампион.