Милан ја најде замената за Игуаин – почнати преговорите за Пијатек

Милан подготвува шокантен трансфер на полската „гол машина“ Криштоф Пијатек, пренесува еминентната „Газета дело Спорт“.

Напаѓачот на Џенова е посочен како идеален заменик на Гонзало Игуаин, кој готово сигурно до крајот на преодниот рок ќе се пресели во Челзи.

Клупските директори Паоло Малдини и Леонардо не отпатуваа со тимот во Џеда и останаа во Милано за да работат на трансферот на Пијатек.

Преговорите со Џенова се веќе започнати, а трансферот би требало да изнесува помеѓу 40 и 50 милиони евра. Во моментов двата клува разговараат за формулата на трансферот, „росонерите“ сакаат да платат 10 милиони за позајмица и додатни 30 милиони евра за откуп, плус бонуси.

Пијатек оваа сезона блеска во дресот на Џенова и веќе постигна 13 гола во Серија а, па го привлече вниманието на многу европски гиганти.

AC Milan's sporting director Leonardo has met Genoa's general manager Giorgio Perinetti and Piatek is Milan's top priority if Higuain leaves AC Milan. Piatek's agent has been notified who is ready to fly to Milan in the coming days. [NonEvoluto – Alessandro Jacobone] pic.twitter.com/tiUzhtLif2

— Nouman (@nomifooty) January 14, 2019