Солскјер презадоволен: Тоа е Погба кој го познавам!

Откако во минатото коло го разби Кардиф, Манчестер Јунајтед вчера славеше и против Хадерсфилд со резултат 3:1.

Пол Погба кој во изминатиот период се наоѓаше на толку критики и кој со поранешниот тренер Жозе Мурињо беше во лоши односи одигра одличен натпревар и постигна два погодоци.

Новиот тренер на „црвените ѓаволи“ Оле Гунар Солскјер после натпреварот зборуваше токму за Пол Погба.

„Тоа е Пол Погба кој го познавам уште од времето кога беше во младинските категории. Секогаш беше среќно момче имаше голема насмевка на лицето, а кога ќе постигнете два погодоци нормално дека ќе бидете среќни. Пол ужива да игра за Јунајтед. Тој го сака овој клуб од глава до пети, добро знае што значи да се игра за овој клуб“, изјави Солскјер.