Тренерот на Наполи, Карло Анчелоти се уште не може да прежали за испаѓањето од ЛШ, каде неговиот тим одигра добро, но недоволно во конкуренција на ПСЖ и Ливерпул да избори пласман понатаму.
За Наполи на крајот кобен испадна натпреварот со Црвена Звезда во првото коло, кога италијанскиот вицепрвак во Белград одигра само 0:0.
Воздухот што нè убива: Зошто Скопје е меѓу најзагадените градови?
„Испаднавме вистински магариња поради оној натпревар со Црвена Звезда во Белград. Требаше да победиме, ќе беше различно.“ – изјави Анчелоти и додаде:
„Бевме во добра позиција пред последното коло, но не успеавме да издржиме против Ливерпул, кандидат за титулата. И ПСЖ ќе биде во конкуренција за тронот, заедно со Барселона и Јувентус. “
Наполи настапот во ЛШ оваа сезона го заврши на третата позиција со ист број бодови како и Ливерпул, па во продолжение на сезоната ќе игра во Лига Европа.
Учество во игри на среќа е дозволено за лица со 18+ години. Играј одговорно!