Тоти и Де Роси го убедуваат Конте да дојде во Рома

Раководството на Рома прави се за да го убеди Антонио Конте да го преземе кормилото на „волчицата“, пренесуваат италијанските медиуми.

Рома оваа сезона игра под сите очекувања, а викендов имаше ново разочарување откако испушти два гола предност на гостувањето кај Каљари.

Официјално клубот застанат зад тренерот Ди Франческо, но на Апенините тврдат дека раководството бара замена, а најголема желба е Антонио Конте. Притоа, за таа цел клубот побарал помош од клупските легенди Франческо Тоти и Даниеле де Роси.

Имено, Тоти веќе имал неколку телефонски разговори со Конте во кои го убедувал да се согласи да го преземе кормилото на „волчицата“, а истото го направил и Де Роси.

Меѓутоа, тоа ќе биде многу тешка мисија бидејќи Конте не сака да презема тим на средина од сезоната и ќе почека до следното лето да направи избор.

Италијанските медиуми пренесуваат дека други варијанти за клупата на Рома се Винченцо Монтела и Лоран Блан.

#ASRoma are reportedly using Francesco Totti and Daniele De Rossi to hold talks with Antonio Conte https://t.co/xpHec9OSDU #CFC pic.twitter.com/FNSHwxxz2r

— footballitalia (@footballitalia) December 9, 2018