Раџа Наинголан е познат по тоа што нема влакна на јазикот и дека секогаш искрено го кажува тоа што го мисли, па поради тоа често пати беше казнуван во кариерата.
Наинголан не крие дека сака да конзумира алкохол и цигари, а тоа често пати го објавуваше и на друштвените мрежи. Тоа беше главна причина поради што Роберто Мартинез не го повика во репрезентацијата на Белгија, иако зад себе имаше одлични настапи во дресот на Рома.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
После таквата ситуација Наинголан се откажа од настапувањето за селекцијата на Белгија, а неодамна потврди дека нема да се врати и ако селекторот биде променет.
Сега Раџа порача дека му е жал што никогаш никој диреткно не му кажал дека не игра затоа што пуши и порача дека на фудбалерите би требало тоа да им биде дозволено.
„Луѓето за мене често кажуваат дека сум опасен, но тоа не е ниту блиску до вистината. Можам да живеам во најлошота населба, а да бидам нормален. Можам да живеам и по правилата на другитефудбалери, но тоа не значи дека е нешто кое го сакам. Често пати пијам алкохол и конзумирам цигари. На фудбалерите би требало да им биде дозволено да пушат цигари, ако тоа е нешто кое ги прави среќни. Ако некој сака тој сигурно ќе го прави тоа, а со криењето само се создава полоша атмосфера“, смета Наинголан.
Учество во игри на среќа е дозволено за лица со 18+ години. Играј одговорно!