Барселона тргнува по ѕвездата на Лион

Барселона има големи планови за наредното лето и сака сериозно да го засили тимот, особено средниот ред.

Во медиумите најчесто се споменуваат имињата на Френки де Јонг од Ајакс и Адриен Рабио од ПСЖ, но Каталонците имаат и резервна опција.

Конкуренцијата за Де Јонг е огромна, а последните информации се дека Холанѓанецот би можел да се пресели во Манчестер Сити.

Адриен Рабио е слободен агент на крајот на сезоната и наводно ја избрал понудата на Барселона, но клубот од „Камп Ноу“ го следи и неговиот сонародник од Лион, Танги Ндомбеле.

21-годишниот Ндомбеле се етаблираше во еден од најперспективните играчи за врска во Европа и веќе дебитираше за француската репрезентација, па е на радарот на многу европски гиганти.

Француските медиуми тврдат дека Ндомбеле е на радарот на Барселона која внимателно ги следи неговите настапи, па би можел да пристигне на „Камп Ноу“ следното лето.

Diario Sport: #FCBarcelona turn attention to #Lyon midfielder Tanguy Ndombèlé, who they see as a more realistic alternative to Frenkie de Jong and Adrien Rabiot https://t.co/0LKqreC65N pic.twitter.com/fABZBzlTJp

— footballespana (@footballespana_) November 21, 2018