Зверев после триумфот над Ѓоковиќ: Ноле, ти благодарам што ме пушти да победам

Aлександар Зверев вчера издвои голема победа над Новак Ѓоковиќ и го освои Мастерсот во Лондон.

Германскиот тенисер големата победа против Ѓоковиќ ја прокометира со шеговит коментар.

„Му честитам на Ѓоковиќ на одличната недела. Без оглед на тоа што беше поразен од мене во финалето, твојот втор дел од сезоната е навистина неверојатен. Ти благодарам што ме пушти да победам…Луѓето мораат да знаат каков човек си, сите твои совети и зборови, секој разговор, но сега тоа нема да го споделуваме со останатите. Навистина си човек кој знае да споделува работи со другите, го ценам тоа како се однесуваш кон мене“, изјави Зверев.

Зверев со победата над Ѓоковиќ (6:4, 6:3) стигна до најголемиот трофеј во кариерата, вкупно десетти во неговата кариера.

„Сега не знам што да кажам, сето ова е неверојатно…Сакам да му честитам на Ѓоковиќ и неговиот тим затоа што завршија на првата позиција, му посакувам се најдобро“, истакна Германецот.