Ѓоковиќ се прошета до полуфиналето: Против Чилиќ освои 31 поен во низа на свој сервис!

Српскиот тенисер Новак Ѓоковиќ се „прошета“ до полуфиналето на завршниот турнир во Лондон.

Најдобриот тенисер во светот одигра одличен меч и така закажа меч со Кевин Андерсон против кого ќе игра за големото финале.

Ѓоковиќ беше подобар од Марин Чилиќ против кого прикажа импресивна игра посебно на свој сервис.

Во овој сегмент беше неверојатен и од крајот на првиот и почетокот на вториот сет освои 31 поен во низа, што е само доказ за неговата доминаија.

Полуфиналниот меч со Андерсон Ѓоковиќ ќе го игра вечерва со почеток во 21:00 часот.