Репрезентацијата на Македонија денес го одигра натпреварот од предпоследното коло од групната фаза против Лихтенштајн.
Зошто проблемот со улични кучиња СÈ УШТЕ постои? | Уште еден поткаст
Избраниците на Игор Ангеловски во на гостувањето во Вадуц ја оправдаа фаворитската улога и запишаа победа против Лихтенштајн 0:2. Со оваа победа стигнавме на чекор од обезбедување пласман во плејофот во Лигата на Нации.
Ангеловски стартуваше со четири напаѓачи, па очекувавме офанзивна игра. Иако имавме контрола во текот на целиот натпревар изгледаше како да не мислиме премногу на противничкиот гол.
Одлучувачкиот момент на натпреварот се случи во 53-тата минута кога Енис Барди постигна мајсторски гол од слободен удар. При прекршокот од кој Барди го совлада голманот на Лихтенштајн гостите останаа и со играч помалку, втор жолт картон заработи Виесер.
Горан Пандев ја погоди стативата со еден волеј удар, додека точка на натпреварот стави Илија Несторовски во 91-та минута од натпреварот.
Треба да се истакне и дека нашиот капитен заработи жолт картон поради кој ќе го пропушти следниот натпревар против Гибралтар кој требаше да биде негов 100-ти во репрезентативниот дрес.
Учество во игри на среќа е дозволено за лица со 18+ години. Играј одговорно!