Завршни преговори за Ибра: Раиола пристигнува во Милано!

Се погласни се шпекулациите дека Златан Ибрахимовиќ во зимскиот преоден рок ќе се врати во редовите на Милан.

Италијанските медиуми пренесуваат дека преговорите се во тек и дека следната недела неговиот менаџер Мино Раиола треба да пристигне во Милано на состанок со „росонерите“.

На состанокот треба да бидат договорени последните детали околу трансферот на Ибрахимовиќ, како и за новиот договор на Бонавентура.

Милан е спремен да му понуди на Ибра договор на 6 месеци и автоматски продолжување на уште една година доколку тимот избори пласман во Лигата на шампиони следната сезона.